კონფიდენციალურობის პოლიტიკა
ვინ ამუშავებს მონაცემებს
სერვისს მართავს [ოპერატორის სახელი, საიდენტიფიკაციო კოდი, მისამართი]. კონტაქტი: [ელფოსტა].
რა მონაცემებს ვინახავთ
- ანგარიში: სახელი, ელფოსტა, არჩეული ენა და პაროლის ჰეში (თავად პაროლს არ ვინახავთ).
- კომპანიები: სახელი, საიდენტიფიკაციო კოდი, სამართლებრივი ფორმა, რეგისტრაციის თარიღი და საგადასახადო პროფილი.
- თანამშრომლები, თუ მათ შეიყვანთ: სახელი, პირადი ნომერი, ხელფასი.
- გაყიდვები და ხარჯები: თქვენ მიერ შეყვანილი ან საბანკო ამონაწერიდან შემოტანილი ჩანაწერები (თარიღი, თანხა, კონტრაგენტი, დანიშნულება).
- საუბრები ასისტენტთან და მათზე გაცემული პასუხები.
- თუ ანგარიშის პარამეტრებში მათ არ გამორთავთ, თითოეული პასუხის მომზადების ჩანაწერები: რომელ AI მოდელს მივმართეთ და რისთვის (თქვენი შეტყობინების წასაკითხად, პასუხის ჩამოსაყალიბებლად, კანონის ასახსნელად, RS.ge-დან ან ბანკიდან წაკითხულის აღსაწერად, მიმაგრებული ფაილის წასაკითხად); რა გაეგზავნა მას თქვენს შეტყობინებასთან ერთად (წესების მიერ გამოთვლილი შედეგები, კანონის ნაწყვეტები და RS.ge-ის ან ბანკის მონაცემები, რომლებსაც პასუხი ეხება, მაგრამ არა საუბრის წინა შეტყობინებები, რომლებიც საუბარში ისედაც ინახება, და არასდროს თავად მიმაგრებული ფაილი); რა დააბრუნა; რა გააკეთა ამით აპლიკაციამ (გამოიყენა, თუ გვერდზე გადადო და რატომ, მაგალითად, იმ რიცხვის გამო, რომელიც წესებს არ გამოუთვლია); რა მოცულობის ტექსტი დაამუშავა და რამდენ ხანს გაგრძელდა. ისინი ინახება იმ პასუხებისთვისაც, რომლებიც ვერ მომზადდა, თქვენ მიერ აკრეფილ შეტყობინებასთან ერთად. [იურისტისთვის: სამართლებრივი საფუძველი, ლეგიტიმური ინტერესი ამ გამორთვით, როგორც წინააღმდეგობის უფლებით, თუ თანხმობა; პერსონალურ მონაცემთა დაცვის შესახებ კანონის მე-5 მუხლის პირველი პუნქტი]
- როცა პასუხს არასწორად მონიშნავთ: თქვენ მიერ არჩეული მიზეზი, თქვენი კომენტარი, თუ დაწერთ, და მონიშვნასთან ერთად შენახული ასლი: თქვენი კითხვა, პასუხი და, თუ მათ არ გამორთავთ, ამ პასუხის მომზადების ჩანაწერები.
- გამოყენების ჩანაწერები: თითოეული პასუხისა და მოქმედებისთვის (RS.ge-ზე შენახული დოკუმენტი, ბანკში მომზადებული გადარიცხვა ან გადასახადის გადახდა, ნაყიდი ტოკენები) რომელი ანგარიში, კომპანია, საუბარი და პასუხი იყო, მათი შემთხვევითი იდენტიფიკატორებით, რა სახის კითხვა ან მოქმედება, როგორ დასრულდა, რა მოცულობის ტექსტი დაამუშავა AI მოდელმა და რამდენ ხანს გაგრძელდა; არასდროს შეტყობინების სიტყვა, სახელი, საიდენტიფიკაციო კოდი, IBAN ან თანხა.
- შეხსენებების პარამეტრები და, თუ დააკავშირებთ, Telegram-ის ჩატის იდენტიფიკატორი.
- RS.ge, თუ კომპანიას დააკავშირებთ: მომხმარებლის სახელი და, დაშიფრულად, მისი პაროლი (და დოკუმენტების სერვისის საკუთარი სერვისმომხმარებლისაც), რომლებსაც მხოლოდ თქვენს ნაცვლად RS.ge-ზე შესასვლელად ვიყენებთ; „გათიშვა“ მათ წაშლის. [იურისტის შესამოწმებლად]
- ბანკები, თუ ანგარიშს API-ით დააკავშირებთ: კლიენტის იდენტიფიკატორი და, დაშიფრულად, საიდუმლო გასაღები; კავშირის გაწყვეტა მას წაშლის.
- კომერციული ინვოისები, რომლებსაც ქმნით: კლიენტის სახელი, საიდენტიფიკაციო კოდი და ელფოსტა, სტრიქონები და თანხები, აგრეთვე როდის და რომელ მისამართზე გაიგზავნა თითოეული.
- გადასახდელები, რომლებსაც დაამატებთ (ქირა, კომუნალური, მომწოდებელი): მიმღების სახელი, IBAN და საიდენტიფიკაციო კოდი, დანიშნულება, თანხა და გადახდის ვადა.
- RS.ge-ზე აპლიკაციით შენახული ანგარიშ-ფაქტურები და ზედნადებები: მათი შინაარსი, როგორც შეინახა (მყიდველი, სტრიქონები, თანხები; ზედნადებისთვის მძღოლის პირადი ნომერი და სატრანსპორტო საშუალებაც) და RS.ge-ის მიერ მინიჭებული ნომერი; აგრეთვე RS.ge-დან „გაყიდვებსა და ხარჯებში“ შემოტანილი საგადასახადო დოკუმენტები.
- ტოკენები: რა იყიდეთ (პაკეტი, თანხა, გადახდის სტატუსი ბანკში), როგორ გადაიხადეთ (გადახდის საშუალება, მაგალითად ბარათი ან Apple Pay, ბარათის ნომერი ისე, როგორც ბანკი ნიღბავს, და ბანკის ტრანზაქციის იდენტიფიკატორი), როდის დაეთანხმეთ გაყიდვის პირობებს და მათი რომელი ვერსიით, ქვითრისთვის მითითებული კომპანიის სახელი და საიდენტიფიკაციო კოდი, თუ მიუთითეთ, თანხის დაბრუნებები და რაში დაიხარჯა თითოეული ტოკენი. ბარათის მონაცემები ბანკის საკუთარ გადახდის გვერდზე შეგყავთ, ბარათის სრულ ნომერს ჩვენ ვერ ვხედავთ. თუ 2026 წლის ნოემბრამდე ყოველთვიური გეგმის ავტომატური განახლებით სარგებლობდით, ჩვენ შევინახეთ ბარათის ნომრის ნაწილი (როგორც ბანკი აჩვენებდა) და ბანკის მიერ ბარათისთვის მინიჭებული იდენტიფიკატორი, დაშიფრულად; ბანკში შენახული ბარათის წაშლა ახლა მხოლოდ ბანკშია შესაძლებელი.
რისთვის ვიყენებთ
სერვისის მისაწოდებლად: გადასახადების გაანგარიშებისთვის, ვადების საჩვენებლად და შესახსენებლად, თქვენი ჩანაწერებისა და საუბრების შესანახად და თქვენ მიერ მოთხოვნილი დოკუმენტებისა და გადახდების მოსამზადებლად. პასუხების მომზადების ჩანაწერებს, არასწორ პასუხებზე თქვენს მონიშვნებსა და გამოყენების ჩანაწერებს ასევე ვიყენებთ ასისტენტის შეცდომების მოსაძებნად და გასასწორებლად, მისი პასუხების გასაუმჯობესებლად და იმის დასათვლელად, რა გვიჯდება პასუხები, რომ ტოკენების ფასი დავადგინოთ. ნებისმიერი პასუხი, რომელსაც ნონიკოს მმართველები გახსნიან (იხ. „ვინ კითხულობს ნონიკოში“), და არა მხოლოდ ის, რომელსაც არასწორად მონიშნავთ, შეიძლება ასისტენტის სატესტო მაგალითად ვაქციოთ, ისე გადაწერილი, რომ მასში აღარაფერი დარჩეს, რითაც თქვენი ან სხვისი ვინაობის დადგენა შეიძლება (სახელები, საიდენტიფიკაციო კოდები, პირადი ნომრები, IBAN-ები, მისამართები). [იურისტისთვის: საკმარისია თუ არა ასეთი გადაწერა მაგალითებისთვის, რომლებიც აპლიკაციის კოდთან ერთად ინახება (L14)] მონაცემებს არ ვყიდით და არც რეკლამისთვის ან AI მოდელების გასაწვრთნელად ვიყენებთ. [იურისტისთვის: დაადასტურეთ, რომ AI მომწოდებლის პირობები მას გაგზავნილზე წვრთნის უფლებას არ აძლევს]
ვის გადაეცემა
- AI მოდელი: თუ სერვისი Claude-ს (Anthropic) იყენებს, თითოეულ მოთხოვნასთან მას ეგზავნება თქვენი შეტყობინება, საუბრის წინა შეტყობინებები (პასუხებში ნაჩვენები შედეგებითა და ცხრილებით), წესების მიერ გამოთვლილი შედეგები და, როცა მათ შესახებ კითხულობთ, RS.ge-დან ან ბანკიდან წაკითხული მონაცემები, რომ პასუხი ჩამოაყალიბოს: მაგალითად, ანგარიშ-ფაქტურებისა და ზედნადებების სტრიქონები მეორე მხარის სახელითა და საიდენტიფიკაციო კოდით, RS.ge-ის რეესტრში თქვენი თანამშრომლების სახელები, ანგარიშების ნაშთები და ოპერაციები კონტრაგენტებითა და დანიშნულებით. მიმაგრებულ ფაილს (ინვოისის ფოტოს ან PDF-ს) ის ერთხელ კითხულობს. ლოკალური მოდელის შემთხვევაში არაფერი გადის სერვერიდან. [მიუთითეთ, რომელი გამოიყენება, Anthropic-ის მიერ მონაცემების შენახვის ვადა და რეგიონი]
- კანონში ძიება: ზოგად კითხვაზე AI მოდელის მიერ დაწერილი მოკლე საძიებო ფრაზები (არა თქვენი შეტყობინება) Google Vertex AI-ს (ევროკავშირის რეგიონი) ეგზავნება, რომ კანონის შესაბამისი მუხლი შინაარსით მოიძებნოს. ლოკალური მოდელის შემთხვევაში ეს გამორთულია.
- RS.ge: „RS.ge-ზე მოძებნისას“ შემოსავლების სამსახურს საიდენტიფიკაციო კოდი ეგზავნება; დაკავშირებული კომპანიისთვის აპლიკაცია RS.ge-ზე შენახული მომხმარებლით შედის და მონაცემებს კითხულობს, ხოლო როცა ანგარიშ-ფაქტურას ან ზედნადებს ინახავთ, აგზავნით ან ააქტიურებთ, ან საგადასახადო დოკუმენტზე „შექმნას“ დააჭერთ, დოკუმენტის შინაარსს (მყიდველი, სტრიქონები, თანხები; ზედნადებისთვის მძღოლი და სატრანსპორტო საშუალება) RS.ge-ს უგზავნის.
- ბანკები: API-ით დაკავშირებული ანგარიშისთვის (საქართველოს ბანკი, თიბისი, PayPal) აპლიკაცია თქვენი კლიენტის იდენტიფიკატორითა და საიდუმლო გასაღებით კითხულობს ნაშთებსა და ამონაწერებს და, თქვენი დადასტურების შემდეგ, ამზადებს გადასახადის გადახდას, რომელსაც თქვენ ბანკში აწერთ ხელს. ტოკენების პაკეტის საფასური საქართველოს ბანკის ან თიბისი ბანკის საკუთარ გადახდის გვერდზე იხდება: ბანკი ჩვენგან იღებს თანხას, შეკვეთის ნომერს, პაკეტის აღწერას და მისამართებს, სადაც გადახდის შემდეგ დაგაბრუნოთ და გვაცნობოს შედეგი; ბარათს მხოლოდ ბანკის გვერდზე შეიყვანთ. ბანკი გვიბრუნებს გადახდის სტატუსს, გადახდის საშუალებას, ბარათის დანიღბულ ნომერს და ტრანზაქციის იდენტიფიკატორს. [იურისტისთვის: ბანკების როლი (დამოუკიდებელი დამმუშავებელი თუ უფლებამოსილი პირი, პერსონალურ მონაცემთა დაცვის შესახებ კანონის 36-ე მუხლი) და სამართლებრივი საფუძველი, მე-5 მუხლის პირველი პუნქტის „ბ“–„გ“ ქვეპუნქტები; მიმღებები დასახელებულია 24-ე მუხლის პირველი პუნქტის „ვ“ ქვეპუნქტის მიხედვით]
- ელფოსტისა და Telegram-ის მომწოდებლები: შეხსენებების, შესვლისა და დადასტურების კოდების, ელფოსტის დადასტურებისა და პაროლის აღდგენის წერილების გასაგზავნად, აგრეთვე იმ ინვოისების მისაწოდებლად, რომლებსაც კლიენტებს უგზავნით (PDF-ით; კლიენტის პასუხი თქვენს მისამართზე მოდის), და ტოკენების შესყიდვის ქვითრებისა (PDF-ით). [მომწოდებლები]
- შრიფტი: გვერდები Google Sans შრიფტს Google Fonts-იდან ტვირთავს, ამიტომ თქვენი ბრაუზერი მას Google-ის სერვერებს სთხოვს და თქვენი IP მისამართი Google-ს ხვდება.
- ჰოსტინგის მომწოდებელი, სადაც სერვერი, მონაცემთა ბაზა (პასუხების მომზადების ჩანაწერებით) და გამოყენების ჩანაწერები (BigQuery) ინახება. [მომწოდებელი, ქვეყანა]
ვინ კითხულობს ნონიკოში
ნონიკოს მმართველებს [სახელები ან როლები] შეუძლიათ სიაში ნახონ და გახსნან ნებისმიერი პასუხი, რომლის მომზადების ჩანაწერებიც ინახება, მთელ საუბართან და მომზადების ჩანაწერებთან ერთად, რომ ასისტენტის შეცდომები იპოვონ და გაასწორონ. ეს ეხება ყველა ასეთ პასუხს და არა მხოლოდ არასწორად მონიშნულს; მათ სიებში ცალკე ჩანს პასუხები, რომლებიც ვერ მომზადდა, და პასუხები, რომლებშიც AI მოდელმა არ უპასუხა ან აპლიკაციამ მისი პასუხი გვერდზე გადადო და მის გარეშე უპასუხა. თუ მომზადების ჩანაწერებს გამორთავთ, მხოლოდ ის პასუხები გაიხსნება, რომლებიც არასწორად მონიშნეთ, თითოეული თავის საუბართან ერთად, მაგრამ მომზადების ჩანაწერების გარეშე. ამ გზით პასუხებს მხოლოდ აპლიკაციის პარამეტრებში დასახელებული მმართველები ხსნიან და ყოველი მათ მიერ ნანახი სია და გახსნილი პასუხი აღირიცხება. არასწორ პასუხებზე მონიშვნებს, მათ ასლებთან ერთად, ნონიკოს მმართველები პირდაპირ მონაცემთა ბაზიდანაც კითხულობენ და ეს წაკითხვა არ აღირიცხება. [იურისტისთვის: რა უნდა ეწეროს აქ მმართველების მიერ წაკითხვასა და მის აღრიცხვაზე (L11, L18)]
ქუქი-ფაილები
ვიყენებთ სამ ქუქის: აუცილებელს სესიისთვის (რომ დარჩეთ შესული), მოწყობილობის დასამახსოვრებელს 30 დღით, თუ შესვლისას „ამ მოწყობილობის დამახსოვრებას“ მონიშნავთ, და ერთს, რომელიც არჩეულ ენას იმახსოვრებს. თვალთვალის ან სარეკლამო ქუქებს არ ვიყენებთ. ენა და თემა ასევე თქვენს ბრაუზერში ინახება.
რამდენ ხანს ვინახავთ
სანამ ანგარიში აქტიურია. ანგარიშის წაშლისას იშლება მასთან დაკავშირებული ყველა კომპანია, ჩანაწერი და საუბარი, პასუხების მომზადების ჩანაწერებთან და არასწორ პასუხებზე თქვენს მონიშვნებთან ერთად; სარეზერვო ასლებიდან ისინი [14] დღეში ქრება.
პასუხების მომზადების ჩანაწერები იშლება [90] დღის შემდეგ, ან უფრო ადრე: მათ საუბართან ან ანგარიშთან ერთად, ან როცა მათ გამორთავთ. არასწორ პასუხზე მონიშვნა, თქვენი კითხვის, პასუხისა და მისი მომზადების ჩანაწერების ასლთან ერთად, ინახება, სანამ მონიშვნას არ გააუქმებთ ან მის საუბარს ან ანგარიშს არ წაშლით; მომზადების ჩანაწერების გამორთვა მათ ამ ასლიდანაც შლის. ასე რომ, პასუხის მომზადების ჩანაწერები [90] დღეზე მეტი ხნით მხოლოდ იმ პასუხისთვის ინახება, რომელიც არასწორად მონიშნეთ. [იურისტისთვის: ასლი ინახება, სანამ მონიშვნა არსებობს (L18)]
გამოყენების ჩანაწერები ინახება [ვადა] Google Cloud-ში (BigQuery, [რეგიონი]). ისინი ანგარიშის წაშლის შემდეგაც რჩება, როცა მათი იდენტიფიკატორები აპლიკაციაში აღარავის მიუთითებს. [იურისტისთვის: არის თუ არა ისინი მაშინაც პერსონალური მონაცემები]
ტოკენების შესყიდვებისა და თანხის დაბრუნებების ჩანაწერები (თარიღი, პაკეტი, თანხა, ბანკი, გადახდის საშუალება, ბანკის გადახდისა და ტრანზაქციის იდენტიფიკატორები, ქვითრის ნომერი, პირობების მიღების დრო, ინვოისისთვის მითითებული კომპანიის სახელი და საიდენტიფიკაციო კოდი, რაც შეიძლება თქვენი სახელი და პირადი ნომერი იყოს, თუ ისინი ინდივიდუალური მეწარმის სახით მიუთითეთ) ანგარიშის წაშლის შემდეგაც ინახება კომპანიის ბუღალტრული აღრიცხვისთვის, ანგარიშისგან გამოყოფილი, ანგარიშის სახელის, ელფოსტისა და ბარათის ნომრის გარეშე, [ვადა: ბუღალტერი A8 / იურისტი L4].
დაცვა
პაროლები scrypt-ით იჰეშება, სესიის ტოკენებიდან მხოლოდ ჰეში ინახება, შესვლის მცდელობები შეზღუდულია, კავშირი HTTPS-ით არის დაცული.
თქვენი უფლებები
შეგიძლიათ მოითხოვოთ თქვენი მონაცემების ნახვა, გასწორება, წაშლა ან ასლის მიღება, აგრეთვე გაასაჩივროთ დამუშავება პერსონალურ მონაცემთა დაცვის სამსახურში. მოგვწერეთ: [ელფოსტა].
პასუხების მომზადების ჩანაწერების გამორთვა და ხელახლა ჩართვა ნებისმიერ დროს შეგიძლიათ ანგარიშის პარამეტრებში; გამორთვა უკვე შენახულ ჩანაწერებს შლის.
ცვლილებები
პოლიტიკის არსებითი ცვლილების შესახებ წინასწარ შეგატყობინებთ ელფოსტით ან აპლიკაციაში.